Pages

March 17, 2011

أنا عايز أقول لا بس مش قادر


أنا عايز أقول لا علشان ناس كتيرة ماتت علشان نبني مصر من جديد مش علشان ناخد اللي كان حسني مبارك بيقدمه
أنا عايز أقول لا علشان أي نظام ديمقراطي لازم يبدأ بإطلاق الحريات العامة زي حرية التعبير عن الرأي وحرية التظاهر والاعتصام وحرية تكوين الاحزاب والنقابات
أنا عايز أقول لا علشان الموافقة على التعديلات تعني عودة الدستور الفرعوني
أنا عايز أقول لا علشان الشعب هو مصدر السلطات والجيش وكيل عنه مش العكس. والشعب أسقط النظام السابق وعايز نظام جديد
أنا عايز أقول لا علشان أي خطوة تتاخد لازم كلنا نتناقش فيها وانا شايف ان مكانش في فرصة كافية لحوار مجتمعي
أنا مش هقدر أقول لا علشان حقي في التصويت مهدرلأني عايش بره مصر
أنا عايز دستور جديد يعطي لكل مصري حقوقه
أنا عايز حقي وحق كل شهيد وشهيده



Share/Bookmark

No comments: